Húsfyllir á málþingi um veðmál
Húsfyllir var á málþinginu “Veðmál, íþróttir og samfélagið – hvert stefnum við?”, sem haldið var í höfuðstöðvum KSÍ á miðvikudag. Það voru ÍSÍ, UMFÍ, ÍBR og KSÍ sem buðu til málþingsins, sem var sérstaklega ætlað íþróttahreyfingunni á Íslandi og voru fulltrúar íþróttafélaga, stjórnarmenn, þjálfarar, leikmenn, dómarar, sjálfboðaliðar og aðrir áhugasamir hvattir til að mæta (eða fylgjast með í streymi) og kynna sér þetta mikilvæga mál.
Á málþinginu var fjallað um ýmislegt tengt veðmálum og áhrifum þeirra á íþróttahreyfinguna og samfélagið, m.a. um erlendar veðmálasíður sem verða sífellt fyrirferðarmeiri, um ábyrga spilun, um spilavanda og spilafíkn, hagræðingu úrslita, fræðslu til leikmanna, forvarnir og fleira. Fjölmargar kynningar voru á málþinginu þar sem viðfangsefnið var nálgast frá ýmsum hliðum. Kristjana Arnarsdóttir verkefnastjóri kynningarmála hjá ÍSÍ stýrði málþinginu og Ingvar Sverrisson formaður ÍBR fór með lokaorð.
Dagskráin:
Daníel Þór Ólason, prófessor við Háskóla Íslands
Veðmálavæðing íþrótta: Aðeins smá krydd í tilveruna eða hvað?
Bolli Steinn Huginsson, ráðgjafi í samskipta- og markaðsmálum
Ég lagði bara 20 inn en á 50! – Markaðssetning og veðmál
Sveinbjörn Snorri Grétarsson, forstöðumaður greiðslukortaviðskipta Íslandsbanka
Veðmál, börn og greiðslukort
Bergþóra Kristín Ingvarsdóttir, sálfræðingur
Spilavandi og spilafíkn: Einkenni, afleiðingar og áhættuþættir
Einar Njálsson, markaðsstjóri Íslenskra getrauna
Ábyrg spilun
Birgir Sverrisson, framkvæmdastjóri Anti-Doping Iceland
Hagræðing úrslita - Hlutverk Anti-Doping Iceland í fræðslu og forvörnum
Birgir Jóhannsson, framkvæmdastjóri ÍTF
Veðmálafræðsla fyrir leikmenn
Hörður Axel Vilhjálmsson, körfuboltamaður
Frá sjónarhóli íþróttamanns
Smellið hér til að horfa á upptöku af viðburðinum
.jpg?proc=760)
.jpg?proc=760)
