A landslið karla komið saman í Skotlandi
A landslið karla er komið saman í Skotlandi og hefur hafið undirbúning fyrir komandi vináttuleiki við Skota á Hampden Park í Glasgow 6. júní og við Norður-Íra á Windsor Park í Belfast 10. júní. Báðir leikirnir verða í beinni útsendingu og opinni dagskrá á Stöð 2 sport.
Um er að ræða fyrstu vináttuleiki íslenska liðsins undir stjórn Arnars Gunnlaugssonar, sem tók við liðinu í byrjun árs. Fyrstu leikir liðsins undir stjórn Arnars voru umspilsleikir við Kósovó í mars.
Ísland hefur sex sinnum áður mætt bæði Skotlandi og Norður-Írlandi. Skotar hafa unnið alla 6 leikina gegn íslenska liðinu, en fjórum sinnum hefur Ísland fagnað sigri gegn Norður-Írum, sem hafa unnið tvo leiki.
.jpg?proc=760)
