Átta liða úrslit Mjólkurbikars kvenna i vikunni
Átta liða úrslit Mjólkurbikars kvenna fara fram í vikunni. Fyrsti leikurinn er strax á mánudag kl. 13:00 þegar Tindastóll tekur á móti ÍBV á Sauðárkróksvelli. Sá leikur er í beinni útsendingu á RÚV.
Einn leikur er á miðvikudag þegar Valur og Þróttur R. mætast á N1-vellinum að Hlíðarenda. Átta liða úrslitin klárast svo með tveimur leikjum á fimmtudag, en þá mætast annars vegar Þór/KA og FH norðan heiða og hins vegar Breiðablik og HK í sannkölluðum nágrannaslag.
