.jpg?proc=1152){kind=logo}
Vítaspyrna - Túlkun laganna við tvær snertingar
Stjórn KSÍ samþykkti á fundi sínum 19. júní sl. að innleiða komandi breytingar á knattspyrnulögum þegar í stað. Um er að ræða breytingar á 10. og 14. gr. knattspyrnulaganna sem taka gildi alþjóðlega í næsta mánuði.
10. grein – Hvernig úrslit leikja ráðast og 14. grein – Vítaspyrna - Túlkun laganna við tvær snertingar
Þýðing á dreifibréfi IFAB:
The International Football Association Board (IFAB) vill hér skýra nánar hvernig túlka beri ákvæði 10. greinar laganna - Hvernig úrslit leikja ráðast, og 14. greinar laganna - Vítaspyrna, um atvik þar sem spyrnandinn sparkar boltanum óvart samtímis með báðum fótum, eða þegar boltinn snertir stöðufót/fótlegg hans strax eftir spyrnuna.
Þetta gerist ekki oft, en ekki er að finna sérstakt ákvæði um hvernig túlka beri þetta í 14. grein laganna. Skiljanlega hafa dómarar því haft tilhneigingu til að refsa spyrnandanum fyrir að snerta boltann tvívegis áður en hann hefur snert annan leikmann og því dæmt mótherjunum óbeina aukaspyrnu, eða í tilfelli vítaspyrnukeppni skráð að spyrnan hafi misfarist.
Þetta ákvæði 14. greinarinnar er hins vegar fyrst of fremst ætlað til að bregðast við tilfellum þar sem spyrnandinn snertir boltann öðru sinni viljandi áður en hann hefur snert annan leikmann (t.d. þegar hann endurkastast af markstöng(unum) eða þverslánni án þess að snerta markvörðinn). Þetta er mjög ólíkt þeim tilfellum þar sem spyrnandinn sparkar boltanum óviljandi með báðum fótum samtímis, eða snertir boltann með stöðufætinum strax eftir spyrnuna, sem venjulega á sér þá skýringu að hann hafi runnið við töku spyrnunnar.
Að sleppa refsingunni fyrir tvöfalda snertingu væri hins vegar ósanngjarnt gangvart markverðinum, sem kann að fipast við breytinguna á ferli og stefnu boltans.
Því vill IFAB árétta hvernig bregðast skuli við eftirfarandi aðstæðum:
• Spyrnandinn sparkar boltanum óviljandi með báðum fótum samtímis, eða snertir boltann óviljandi með stöðufætinum strax eftir spyrnuna:
■ Ef mark er skorað, er vítaspyrnan endurtekin.
■ Ef mark er ekki skorað, er dæmd óbein aukaspyrna (nema dómarinn beiti hagnaðarreglunni ef það er augljóslega varnarliðinu í hag), en í tilfelli vítaspyrnukeppni er skráð að spyrnan hafi misfarist.
• Spyrnandinn sparkar boltanum viljandi með báðum fótum, eða snertir boltann öðru sinni viljandi áður en hann hefur snert annan leikmann:
■ Óbein aukaspyrna er dæmd (nema dómarinn beiti hagnaðarreglunni ef það er augljóslega varnarliðinu í hag), en í tilfelli vítaspyrnukeppni er skráð að spyrnan hafi misfarist.
Vakin er athygli á því að þessi túlkun tekur gildi í öllum mótum sem hefjast 1. júlí 2025 eða síðar, en jafnframt er heimilt að láta hana taka þegar gildi í mótum sem hófust fyrir þá dagsetningu.
.jpg?proc=760){kind=logo}
.jpg?proc=760)
