Eins marks tap Víkinga í Shkoder
Víkingur R. tapaði með eins marks mun gegn albanska liðinu KF Vllaznia þegar liðin mættust í Shkoder í Albaníu á fimmtudagskvöld. Um var að ræða fyrri viðureign liðanna í Sambandsdeild UEFA og urðu lokatölur leiksins 2-1 fyrir heimamenn.
Víkingar náðu forystunni á 10. mínútu og var þar að verki Karl Friðleifur Gunnarsson. Ekki voru skoruð fleiri mörk í fyrri hálfleik, en tvö mörk heimamanna með stuttu millibili í seinni hálfleik, á 67. og 75. mínútu, tryggðu albanskan sigur. Liðin mætast að nýju í Víkinni í næstu viku.
