Sambandsdeildar-leikjaþrenna á fimmtudag
Komandi fimmtudag verða leiknir þrír leikir í Sambandsdeild UEFA hér á landi. Öll íslensku liðin í keppninni verða í eldlínunni þann dag, öll eiga þau heimaleik og í öllum tilfellum er um að ræða seinni viðureign liðanna sem mætast.
Á Greifavellinum á Akureyri taka Mjólkurbikarmeistarar KA á móti danska liðinu Silkeborg. Fyrri leiknum lauk með 1-1 jafntefli.
Valsmenn taka á móti litháiska liðinu FK Zalgiris á N1-vellinum að Hlíðarenda. Fyrri leiknum lauk með 1-1 jafntefli.
Albanska liðið KF Vllaznia er í heimsókn á Víkingsvelli og mætir þar Víkingi R. Fyrri leiknum lauk með 2-1 sigri Vllaznia.
