Forsala á leiki A karla í október
Forsala á báða heimaleiki Íslands í október hefst í hádeginu á morgun, fimmtudaginn 11. september kl 12:00 á miðasöluvef KSÍ. Athugið að í forsölu er aðeins hægt að kaupa miða á báða leikina saman í pakka.
Miðasöluvefur KSÍ
Með því að kaupa miða í forsölu hefur þú tryggt þér þitt sæti á báða þessa mikilvægu heimaleiki, sem jafnframt eru síðustu heimaleikir A karla á árinu.
Ljóst er að mikil eftirspurn er eftir miðum á þessa leiki og við hvetjum fólk til að tryggja sér miða tímanlega.
Verð á báða leikina má sjá á meðfylgjandi mynd.
Miðasala á staka leiki hefst á eftirfarandi dagsetningum:
Ísland - Úkraína, miðasala hefst mánudaginn 29. september kl. 12:00.
Ísland - Frakkland, miðasala hefst miðvikudaginn 1. október kl. 12:00.
