Uppselt á Ísland - Frakkland
Mynd - Mummi Lú
Uppselt er á leik A landsliðs karla gegn Frakklandi. Leikurinn fer fram mánudaginn 13. október kl. 18:45.
Almenn miðasala hófst klukkan 12:00 í dag en takmarkaður fjöldi miða fór í sölu.
Almenna miðasalan er þriðji hluti miðasölunnar á leikinn. Mótsmiðasala var fyrsti hluti hennar þar sem miðakaupendur gátu keypt miða á alla þrjá heimaleiki liðsins í undankeppninni. Því næst var boðið upp á að kaupa miða saman á leikina í október, gegn Úkraínu og Frakklandi.
