Pannavellir á leiðinni út um allt land
Starfsfólks UMFÍ og KSÍ vann saman að því í vikunni að taka í sundur sendingu af pannavöllum og skipta þeim upp í 15 einingar. Pannavellina pöntuðu sveitarfélög og íþrótta- og ungmennafélög víða um land og eru vellirnir nú á leið til þeirra.
UMFÍ og KSÍ hafa nokkrum sinnum sameinast um stórar pantanir á pannavöllum í gegnum tíðina.
Pannavellir eru litlir átthyrndir fótboltavellir. Þeir henta vel í minni bæjum þar sem krakkar vilja spreyta sig í einn á móti einum eða tveimur.
Á meðal þeirra sem keyptu pannavelli að þessu sinni eru Ungmennafélagði Máni á Hornafirði, sveitarfélagið Seltjarnarnes, Skagfirðingar, Íþróttabandalag Akraness og fleiri.
Moli hefur notað Pannavelli í verkefninu "Komdu í fótbolta með Mola" undanfarin ár og njóta þeir alltaf mikilla vinsælda.
