• mán. 05. jan. 2026
  • Ársþing

Opið fyrir tilnefningar til Grasrótarverðlauna KSÍ 2025

KSÍ veitir árlega grasrótarverðlaun og verður engin breyting þar á í ár. Verðlaunin eru þrískipt, Grasrótarpersóna ársins, Grasrótarfélag ársins og Grasrótarverkefni ársins.

Opnað hefur verið fyrir tilnefningar í þessum þremur flokkum þar sem fólki er velkomið að senda inn tilnefningu í einum eða fleiri flokkum. Allar tilnefningar verða skoðaðar.

Ef þú veist um einstakling, knattspyrnufélag eða verkefni sem gerði góða hluti í grasrótarstarfi árið 2025 þá hvetjum við þig til að senda inn tilnefningu með nafni einstaklings, félags eða verkefnis ásamt rökstuðningi á soley@ksi.is fyrir 1. febrúar 2026. 

Eina skilyrðið er tenging við fótbolta.

Verðlaunahafar fyrir árið 2024

Grasrótarverkefni ársins - Stjarnan og Öspin fyrir fótboltaæfingar fyrir fatlað fólk

Grasrótarfélag ársins - Stál-Úlfur fyrir fjölþjóðlegt starf í eldri flokki karla

Grasrótarpersóna ársins - Sigurður Eyjólfur Sigurjónsson fyrir íþróttastarf á Kirkjubæjarklaustri