Knattspyrnuþing 2026 - Fjöldi þingfulltrúa
80. ársþing KSÍ verður haldið á Hótel Valaskjálf á Egilsstöðum þann 28. febrúar 2026.
Sambandsaðilar eru beðnir um að kynna sér eftirfarandi:
1. Skuldir
Aðilar sem vanrækja uppgjör á gjöldum sem greiða skal til KSÍ missa rétt til þingsetu, sbr. gr. 10.5 í lögum KSÍ. Þeim félögum, sem eru í skuld við KSÍ, er bent á að hafa tafarlaust samband við Bryndísi Einarsdóttur, fjármálastjóra KSÍ (bryndis@ksi.is).
2. Tillögur og málefni
Tillögur þær er sambandsaðilar óska eftir að verði teknar fyrir á þingi skulu berast stjórn KSÍ minnst mánuði fyrir þing eða í síðasta lagi laugardaginn 31. Janúar 2026. Axel Kári Vignisson, lögfræðingur á skrifstofu KSÍ (axel@ksi.is), tekur við tillögum og veitir aðstoð við uppsetningu þeirra sé þess óskað. Í samræmi við 11. gr. laga KSÍ munu tillögur, sem berast fyrir þingið, vera yfirfarnar af laga- og leikreglnanefnd KSÍ en nefndinni ber að kanna hvort tillögurnar samræmist lagaákvæðum og skuldbindingum KSÍ.
3. Dagskrá
Þingið verður sett kl. 11:00 laugardaginn 28. febrúar 2026 og er gert ráð fyrir að því ljúki um kl. 17:00 sama dag. KSÍ býður þingfulltrúum og gestum til sameiginlegs kvöldverðar eftir ársþingið. Nákvæm dagskrá verður send sambandsaðilum síðar. Málþing með yfirskriftinni “Fótbolti og ferðalög” verður haldið á Hótel Valaskjálf föstudaginn 27. febrúar (seinnipart dags) þar sem megin umfjöllunarefnið verður ferðakostnaður félaga.
4. Fjöldi fulltrúa
Smellið hér að neðan til að skoða lista yfir fjölda þingfulltrúa. Sambandsaðilar eru beðnir um að fara yfir listann og gera athugasemdir ef þörf krefur.
Nánari upplýsingar um þingið og tillögur verða sendar til sambandsaðila síðar í janúar.
.jpg?proc=760){kind=logo}
