UEFA Pro námskeið 2026-2027
KSÍ auglýsir eftir umsóknum um þátttöku á UEFA Pro 2026-2027 námskeiðinu.
UEFA Pro þjálfaragráða er æðsta þjálfaragráða UEFA og er fyrir þjálfara sem starfa á hæsta stigi hvers lands við knattspyrnuþjálfun.
Umsóknarfrestur er til 20. febrúar 2026 og námskeiðið hefst formlega 11.-12. maí 2026. Samkvæmt reglum UEFA er lágmarks tímafjöldi UEFA Pro námskeiðs 360 stundir (til samanburðar þá er lágmarksfjöldi á UEFA A námskeiði 180 stundir).
Námið stendur yfir frá maí 2026 til nóvember 2027.
Námskeiðsgjald er kr. 1.200.000kr.
Samkvæmt reglugerð KSÍ um menntun knattspyrnuþjálfara, þá þurfa aðalþjálfarar í efstu deild karla og kvenna að vera með UEFA Pro þjálfararéttindi.
Inntökureglur
Umsækjendur þurfa að hafa starfað að lágmarki í eitt ár, á því getustigi sem nefnd eru hér að neðan, frá því að þeir útskrifuðust með KSÍ/UEFA A þjálfararéttindi. Umsækjendur þurfa að hafa gild réttindi (ekki útrunnin).
-Aðalþjálfarar í Bestu deild karla og kvenna fá sjálfkrafa sæti á námskeiðinu
-Landsliðþjálfarar í fullri stöðu fá sjálfkrafa sæti á námskeiðinu
-Þjálfarar með að lágmarki eins árs reynslu sem;
-Aðalþjálfari í Bestu deild karla/kvenna, 1. deild karla/kvenna, 2. deild karla
-Aðstoðarþjálfari í Bestu deild karla/kvenna*
-Aðalþjálfarar í landsliðum, íslenskum sem erlendum
-Yfirþjálfari yngri flokka og um leið afreksþjálfari í 11 manna bolta
-Yfirmaður Knattspyrnumála**
*Aðstoðarþjálfari telst vera þjálfari sem er viðstaddur allar æfingar og leiki, stýrir æfingum og er óumdeilanlega helsti aðstoðarmaður aðalþjálfarans.
**Starfar náið með aðalþjálfurum meistaraflokka félagsins
Umsóknareyðublað má finna hér neðst í fréttinni. Athugið að allir umsækjendur þurfa að fylla út umsóknareyðublaðið, líka þeir sem fá sjálfkrafa pláss á námskeiðinu.
Þjálfarar sem ekki fá sjálfkrafa pláss á námskeiðinu eru metnir út frá stigalista. Stigalistinn metur reynslu í þjálfun, leikmannaferil, menntun og núverandi þjálfarastöðu.
