Jafntefli á Lerkendal
A landslið kvenna mætti Noregi á Lerkendal leikvanginum í Þrándheimi í kvöld og varð niðurstaðan 1-1 jafntefli í hörkuleik.
Sveindís Jane Jónsdóttir náði forystunni fyrir íslenska liðið eftir stundarfjórðung þegar hún fékk sendingu frá Karólínu Leu Vilhjálmsdóttur og skoraði eftir einstaklingsframtak. Þetta reyndist eina mark fyrri hálfleiks þrátt fyir góðar rispur beggja liða.
Seinni hálfleikur var líka fjörugur og bæði lið fengu tækifæri til að skora áður en norska liðið jafnaði metin þegar um 10 mínútur voru eftir. Þar við sat og liðin skildu jöfn.
Þetta var fjórða jafntefli íslenska liðsins í fimm leikjum í Þjóðadeildinni og liðið er því með fjögur stig í þriðja sæti. Norðmenn halda öðru sætinu með fimm stig.
Frakkland og Sviss mættust einnig í kvöld. Fyrir leikinn var Frakkland með fullt hús stiga og öruggt með efsta sætið, en Sviss með tvö stig í fjórða og neðsta sæti. Þetta breyttist ekki þar sem Frakkland vann öruggan fjögurra marka sigur.
.jpg?proc=760)