Dregið í umspil Þjóðadeildarinnar á föstudag
A landslið kvenna verður í pottinum þegar dregið verður í umspili Þjóðadeildarinnar í höfuðstöðvum UEFA á föstudag kl. 11:00 að íslenskum tíma. Dregið verður um það hvaða lið mætast í umspili sem ræður því hvaða liða falla úr sínum deildum eða komast upp um deild, en einnig verður dregið í úrslitakeppni Þjóðadeildarinnar.
Ísland verður í umspili um það hvort liðið haldi sæti sínu í A deild Þjóðadeildarinnar eða falli í B-deild (League A/B play-offs). Þar munu liðin sem höfnuðu í 3. sæti síns riðils í A-deild (eins og Ísland) mæta liðunum sem höfnuðu í 2. sæti síns riðils í B-deild. Ísland getur mætt Finnlandi, Írlandi, Norður-Írandi eða Tékklandi.
