EM-BITAR í verslanir á EM sumri
Von Iceland og KSÍ hafa gert með sér samstarfssamning sem felur í sér að Von fær rétt til að nýta vörumerki KSÍ í markaðssetningu á EM-BITUM – próteinríkum harðfiskbitum sem verða sérmerktir kvennalandsliðinu.
Varan er hönnuð til að veita liðinu og aðdáendum þess hollan og næringarríkan stuðning á EM-sumrinu 2025.
EM-BITAR eru stútfullir af næringu sem skiptir máli
Þessi hreina og próteinríka fæða er í uppáhaldi hjá stelpunum okkar – enda eru EM-BITAR stútfullir af næringu sem skiptir máli: 84g prótein í hverjum 100g, ríkulegt magn af B12-vítamíni, joði, magnesíum og öðrum lífsnauðsynlegum steinefnum. EM-bitar styðja við eðlilega vöðvastarfsemi, hjálpa til við að draga úr þreytu og veita stöðuga orku – hvort sem þú ert á æfingu, í leik eða bara á ferðinni.
Stoltur stuðningur við landsliðið
„Við hjá Von Iceland styðjum stelpurnar okkar af heilum hug – og hvetjum alla til að narta með!“ - Jóhannes Egilsson, framkvæmdastjóri Von Iceland
Um Von Iceland
Von Iceland er fjölskyldufyrirtæki úr Hafnarfirði og einn stærsti og vinsælasti framleiðandi harðfisks á Íslandi. Í yfir 20 ár höfum við fullkomnað listina að þurrka ferskan fisk með sérhannaðri aðferð sem sameinar aldagamlar íslenskar hefðir og nútímatækni þannig að úr verði próteinrík, handhæg og bragðgóð ofurfæða.
