Markalaust jafntefli U21 karla gegn Brasilíu
U21 landslið karla gerði í kvöld markalaust jafntefli við Brasilíu þegar liðin mættust í vináttuleik í Egyptalandi.
Brasilíumenn voru meira með boltann í leiknum og sóttu nokkuð eins og við var búist en íslenska liðið varðist vel og náði að ógna úr skyndisóknum og föstum leikatriðum. Þetta var í fyrsta sinn sem U21 landslið þjóðanna mætast.
Íslenska liðið á svo aftur vináttuleik á sama stað á sunnudag og þá er mótherjinn Kólumbía.