Sérsaumaðar dragtir frá Andrá
Eins og knattspyrnuáhugafólki er kunnugt um þá er Ísland á meðal þátttökuþjóða í úrslitakeppni EM A landsliða kvenna í Sviss í sumar. Í undirbúningi mótsins er að mörgu og ýmsu að hyggja og þar á meðal er ferðafatnaður á leikmenn landsliðsins.
Andrá Reykjavík fékk það verkefni og munu stelpurnar okkar klæðast sérsaumaðri dragt sem hönnuð er af Steinunni Hrólfsdóttur. Valdir voru klassískir dökkbláir litir fyrir dragtina, brotið upp með afslöppuðum hvítum stuttermabol. Hver jakki er persónulegur – innan í honum er nafn og númer leikmannsins handsaumað með rauðum þræði. Litirnir eru svo lágstemmd tilvísun í íslensku fánalitina.
Steinunn Hrólfsdóttir hönnuður og eigandi Andrár:
"Þetta er búið að vera ótrúlega skemmtilegt verkefni að vinna að. Við í Andrá elskum að klæða sterkar, flottar konur – það er okkar ástríða. Að fá tækifæri til að klæða landsliðið okkar er því bæði sannur heiður og algjör draumur.
Ég hef líka fylgst með mörgum af þessum stelpum frá því þær voru litlar og það er magnað að sjá þær komnar svona langt. Það er svo ótrúlegt að fylgjast með þessum leikmönnum, hvað þær leggja mikið á sig og gefa allt í þetta. Það er mikill innblástur. Svo er líka bara svo gaman að fylgjast með því hvað kvennafótbolti almennt er á miklu flugi og við í Andrá erum mjög stoltar að fá að vera þó ekki nema bara pínulítill hluti af því.
Við elskum líka hugmyndina um að blanda saman þessum tveimur heimum - íþróttanna og svo tísku.“
.jpg?proc=760)
.jpg?proc=760)
.jpg?proc=760)