EM Ísblómið fagnar stelpunum okkar
Í tilefni af EM 2025 hafa Emmessís og Knattspyrnusambandi Íslands (KSÍ) gert með sér samstarfssamning sem felur í sér að Emmessís framleiðir sérstakan ís – EM Ísblómið – sem er bæði tákn um samstöðu og stuðning við stelpurnar okkar á stórmótinu sem er framundan.
EM Ísblómið er ljúffengur rjómaís með bananabragði og karamellufyllingu. Umbúðirnar skarta þjóðarlitunum og minna okkur á hvaða þýðingu sameiginlegur stuðningur getur haft – innan sem utan vallar.
„Við erum ótrúlega stolt af því að geta staðið við bakið á stelpunum okkar og lagt okkar af mörkum til að fagna þessum mikilvæga áfanga í íslenskri knattspyrnusögu,“ segir í tilkynningu frá Emmessís. „Með Ísblóminu viljum við hvetja alla landsmenn til að sýna liði okkar samhug og stuðning. Stöndum saman með stelpunum okkar – og fögnum með EM Ísblóminu!“
Ísblómið er nú fáanlegt í verslunum víða um land og mun án efa verða hluti af stemningunni sem mun ríkja á heimilum landsins á meðan á EM stendur og jafnvel lengur.
