Upplýsingar til stuðningsmanna fyrir leik Noregs og Íslands
Hér er að finna margar hagnýtar upplýsingar fyrir stuðningsmenn Íslands á leik Noregs og Íslands á EM.
Leikurinn fer fram á Stockhorn Arena í Thun, fimmtudaginn 10. júlí og hefst hann klukkan 21:00 á staðartíma.
Búist er við um 1500 stuðningsmönnum Íslands á leikinn.
"Fan zone"
"Fan zone" er staðsett á Waisenhausplatz sem er miðsvæðis í Thun, "fan zone" opnar á leikdag klukkan 11:00 og er opið til 21:00. Á öðrum dögum er "fan zone" opið frá 13:00 - 21:00
Frekari upplýsingar um Thun og "fan zone" má finna hér.
Fan Walk"
Sameiginlegt "Fan walk" beggja liða og annarra áhorfenda á leik Noregs og Íslands leggur af stað frá Waisenhausplatz ("fan zone") stundvíslega klukkan 18:15. Gangan tekur um 45 mínútur og endar við leikvanginn. Áætluð koma á leikvanginn er á milli 19 og 19:15.
Almenningssamgöngur
Frítt er í almenningssamgöngur á leikdag með framvísun miða á leikinn. Miðinn gildir einnig til að komast til baka eftir að leik lýkur.
Miðamál
Miðar ættu að hafa borist til allra þeirra sem keypt hafa miða á leikinn. Miðana er einungis hægt að nálgast í appinu "UEFA mobile tickets".
Smelltu hér til að sjá svör við algengum spurningum er varða miðamál
Hér fyrir neðan eru myndir og kort með hagnýtum upplýsingum fyrir stuðningsmenn.
Áfram Ísland!
