Þjálfari U19 landsliðs kvenna
KSÍ auglýsir eftir umsóknum um starf aðalþjálfara U19 landsliðs kvenna. Samhliða þjálfun U19 kvenna myndi viðkomandi einnig starfa með teymi U16/U17 landsliða kvenna.
Umsækjendur þurfa að hafa lokið KSÍ A gráðu í þjálfaramenntun og nauðsynlegt er að umsækjandi hafi gott vald á íslensku, ensku og hvers kyns tölvuvinnslu, auk hæfni til að nota tæknibúnað sem KSÍ notar til greiningarvinnu og gagnasöfnunar.
Hugmyndafræði yngri landsliða er lýst í afreksstefnu KSÍ. Öll landsliðin vinna eftir afreksstefnunni en hafa þó hvert um sig sína hugmyndafræði þar sem m.a. kemur fram leikskipulag og leikstíll liðsins, hlutverk liðsins í heild sinni, hlutverk hverrar línu og hverrar stöðu. Einnig er fjallað um hvaða gildum er unnið eftir á mismunandi aldri.
Nánari upplýsingar veitir Jörundur Áki Sveinsson sviðsstjóri knattspyrnusviðs KSÍ (jorundur@ksi.is).
Umsóknum (ásamt sakavottorði) skal skilað með tölvupósti eigi síðar en 19. september (jorundur@ksi.is).
KSÍ áskilur sér rétt til að hafna öllum umsóknum.
.jpg?proc=760)
.jpg?proc=760)
.jpg?proc=760)
