Almenn miðasala á Ísland - Úkraína hefst kl. 12:00
Mynd - Mummi Lú
Almenn miðasala á leik A karla gegn Úkraínu í undankeppni HM 2026 hefst í dag kl. 12:00.
Miðasalan fer fram á miðasöluvef KSÍ, en um er að ræða takmarkaðan fjölda miða sem fer í sölu í dag.
Um er að ræða þriðja hluta miðasölunnar á leikinn. Mótsmiðasala var fyrsti hluti hennar þar sem miðakaupendur gátu keypt miða á alla þrjá heimaleiki liðsins í undankeppninni. Því næst var boðið upp á að kaupa miða saman á leikina í október, gegn Úkraínu og Frakklandi. Í dag hefst síðasti hluti miðasölunnar þar sem seldir eru miðar á staka leiki.
Almenn miðasala á leik Íslands og Frakklands hefst svo miðvikudaginn 1. október kl. 12:00 á miðasöluvef KSÍ.
Leikurinn gegn Úkraínu fer fram á Laugardalsvelli föstudaginn 10. október kl. 18:45.
