U17 kvenna mætir Slóveníu á þriðjudag
U17 kvenna mætir Slóveníu á þriðjudag í seinni leik sínum í fyrri umferð undankeppni EM 2026.
Ísland vann 6-2 sigur á Færeyjum á laugardag á meðan Slóvenía vann Færeyjar 3-0 á miðvikudaginn.
Það lið sem endar í efsta sæti riðilsins fer upp í A deild fyrir seinni umferð undankeppninnar og því um gríðarlega mikilvægan leik að ræða.
Leikurinn verður sýndur í beinni útsendingu á Youtube rás slóvenska knattspyrnusambandsins og hefst hann kl. 11:00 að íslenskum tíma.
.00_00_05_06.Still001.bmp?proc=760)
