Dregið í fyrstu umferð undankeppni EM 2027 hjá U19 karla
Dregið hefur verið í fyrstu umferð undankeppni EM 2027 hjá U19 karla.
Leikið verður með nýju fyrirkomulagi í undankeppni EM 2027. Fyrsta umferð þeirrar undankeppni fer fram dagana 23.-31. mars. Önnur umferð verður svo haustið 2026 og þriðja umferðin vorið 2027. Lokakeppnin verður síðan haldin í Tékklandi sumarið 2027.
Ísland hefur leik í B deild undankeppninnar og verður þar í riðli með Georgíu og Svartfjallalandi. Riðillinn verður leikinn í Georgíu. Það lið sem vinnur riðilinn fer upp í A deild fyrir aðra umferð undankeppninnar.
Frekari upplýsingar um nýja fyrirkomulagið má finna á vef UEFA.
