U19 karla - Tveir leikir gegn Hvíta Rússlandi í september
U19 ára landslið karla mætir Hvíta Rússlandi í tveimur vináttuleikjum í september og fara þeir báðir fram á JÁVERK-vellinum á Selfossi.
Fyrri leikurinn fer fram 5. september og sá síðari 7. september. Þess má geta að leikirnir fara fram svo lengi sem að staðan í þjóðfélaginu í ljósi COVID-19 leyfi það og að UEFA gefi samþykki fyrir þeim.
Leikirnir eru liður í undirbúningi liðsins fyrir undankeppni EM 2021 þar sem liðið er í riðli með Noregi, Andorra og Ungverjalandi, en leikið er í Noregi.
