Lið Kormáks/Hvatar ólöglega skipað gegn Haukum í Lengjubikar karla
Lið Kormáks/Hvatar var ólöglega skipað gegn Haukum í Lengjubikar karla þegar liðin mættust 12. mars síðastliðinn.
Benjamín Jóhannes Gunnlaugsson, Kristinn Bjarni Andrason og Björn Jökull Bjarkason léku með Kormák/Hvöt, en þeir eru skráðir í önnur félög.
Í reglugerðum KSÍ um deildarbikarkeppni karla og kvenna, greinum 10.1 og 11.2 segir:
10. SEKTIR
10.1 Lið, sem mætir ólöglega skipað til leiks, skal sæta sekt að upphæð kr. 30.000 og að auki kr. 30.000 fyrir hvern leikmann sem ekki hefur keppnisleyfi með viðkomandi félagi og tekur þátt í leiknum. Félag, sem notar leikmann, þjálfara eða forystumann í leikbanni, skal sæta sektum að upphæð kr. 100.000
11. STJÓRN KEPPNINNAR
11.2 Félag, sem notar leikmann sem ekki hefur keppnisleyfi með því eða notar leikmann, þjálfara eða forystumann í leikbanni, telst hafa tapað leiknum með markatölunni 0-3 nema tap hafi verið stærra, þá skal sú markatala ráða. Staðfesti skrifstofa KSÍ að þátttakandi hafi verið óhlutgengur í leik skal mótanefnd þegar í stað skrá úrslit leiksins skv. ofangreindu og tilkynna það viðkomandi félögum. Heimilt er að kæra slíka skráningu til aga- og úrskurðarnefndar KSÍ og skal kærufrestur telja frá þeim degi sem tilkynningin er gefin út.
Neðangreindir leikmenn léku ólöglegirr með Kormák/Hvöt:
Benjamín Jóhannes Gunnlaugsson
Kristinn Bjarni Andrason
Björn Jökull Bjarkason
Leikur: Haukar – Kormákur/Hvöt
Dagsetning: 12. mars 2022
Ástæða: Leikmennirnir eru skráðir í önnur félög.
Í samræmi við ofangreinda reglugerð er Kormákur/Hvöt sektað um kr. 120.000.- Úrslitum leiksins er breytt í 3 – 0 Haukum í vil.
