Byrjendanámskeið fyrir dómara í höfuðstöðvum KSÍ 31. janúar
Mynd - Mummi Lú
Byrjendanámskeið fyrir dómara í höfuðstöðvum KSÍ þriðjudaginn 31. janúar kl. 17:00.
Námskeiðið fer fram í Sókninni á 3. hæð og hefst kl. 17:00. Námskeiðið stendur yfir í um tvær klukkustundir og er öllum opið sem náð hafa 15 ára aldri.
Á námskeiðinu er lögð aðaláhersla á knattspyrnulögin en auk þess verður einnig farið yfir ýmis konar kynningarefni, fræðsluefni, skýringar og skýringarmyndir. Námskeiðinu lýkur með skriflegu prófi.
Námskeiðið er ókeypis.
Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk. 100% viðvera á námskeiði skilyrði.
Skráning er hafin á magnus@ksi.is.
