Mót sumarsins 2025 - Drög að niðurröðun leikja í yngri flokkum
Mynd - Helgi Halldórsson
Drög að leikjadagskrá í mótum sumarsins í yngri flokkum hefur verið birt á vef KSÍ.
Félög eru vinsamlegast beðin um að skoða vandlega sína leiki og koma athugasemdum á framfæri í síðasta lagi mánudaginn 10. mars á netfangið birkir@ksi.is.
Mjög mikilvægt er að allar óskir/athugasemdir komi í einu lagi frá hverju félagi en ekki frá einstökum þjálfurum. Borið hefur á því að þjálfarar einstakra flokka hafa lagt fram óskir um breytingar á leikjum sem stangast á við aðra viðburði/leiki hjá viðkomandi félagi.
Óskir um breytingar skulu vera skýrar og flokkaðar eftir hverjum aldursflokki fyrir sig. Meðan mótin eru í vinnslu, þá eru félög beðin um að gera ekki óskir um breytingar á innri vef KSÍ.
Félög eru vinsamlegast beðin um að virða ofangreindan frest svo að vinna við skipulagningu mótanna tefjist ekki.
Hér að neðan má finna minnislista sem starfsmenn félaga eru beðnir um að hafa til hliðsjónar við yfirlestur. Þar eru m.a. nánari leiðbeiningar um það hvernig hægt er að afmarka leit á vef KSÍ.
Mótin á vef KSÍ:
https://www.ksi.is/mot/felog/leikir-felaga/
https://www.ksi.is/mot/leikir-og-mot/oll-mot/
https://www.ksi.is/mot/felog/thatttaka-felags/
