Tvær breytingar á hópi Íslands
Mynd - fotbolti.net - Hafliði Breiðfjörð
Jón Þór Hauksson, landsliðsþjálfari A kvenna, hefur þurft að gera tvær breytingar á hópi liðsins fyrir leikina gegn Slóvakíu og Ungverjalandi.
Dagný Brynjarsdóttir getur ekki tekið þátt vegna meiðsla og Sandra María Jessen er í sóttkví þar sem smit hefur komið upp hjá félagsliði hennar, Leverkusen. Allir leikmenn liðsins hafa verið settir í sóttkví, en Sandra María hefur ekki greinst smituð.
Inn í hópinn koma þær Kristín Dís Árnadóttir, Breiðablik, og Bryndís Arna Níelsdóttir, Fylki.
Ísland mætir Slóvakíu 26. nóvember og Ungverjalandi 1. desember, en báðir leikirnir fara fram ytra.
