Dagný Brynjarsdóttir ekki með gegn Ítalíu
Mynd - fotbolti.net - Hafliði Breiðfjörð
Dagný Brynjarsdóttir mun ekki koma til móts við A kvenna fyrir vináttuleikina tvo gegn Ítalíu.
Dagný greindist með COVID-19 í prófi fyrir brottför frá Englandi, en fékk svo neikvætt úr samskonar prófi degi síðar líkt og allt lið West Ham.
Í ljósi þess að hún greindist jákvæð í fyrra prófinu mun hún vera í einangrun á Englandi. Því er ljóst að hún mun ekki koma til móts við liðið á Ítalíu og missir af báðum leikjunum. Ákveðið hefur verið að ekki verði annar leikmaður kallaður inn í hópinn í stað Dagnýjar.
