Tap í Norður Makedóníu
A karla tapaði 1-3 fyrir Norður Makedóníu í undankeppni HM 2022.
Þetta var síðasti leikur liðsins í undankeppninni og endar liðið í fimmta sæti riðilsins. Með sigrinum tryggði Norður Makedónía sér sæti í umspili fyrir lokakeppnina.
Heimamenn komust yfir eftir aðeins sjö mínútur og leiddu þeir því í hálfleik. Jón Dagur Þorsteinsson jafnaði metin á 54. mínútu eftir góða sendingu frá Birki Bjarnasyni. Norður Makedónum tókst hins vegar að skora tvö mörk í viðbót og 3-1 sigur heimamanna því staðreynd.
Birkir Bjarnason varð í dag leikjahæsti leikmaður A landsliðs karla þegar hann lék sinn 105 landsleik. Með því tók hann fram úr Rúnari Kristinssyni, sem lék 104 A landsleiki á sínum ferli.
Til hamingju Birkir!
