eFótbolti - Ísland hefur lokið leik í FIFAe Nations Series
Íslenska landsliðið í eFótbolta er úr leik í undankeppni FIFAe Nations Series, en liðið lék þar á fimmtudag og föstudag.
Ísland var í riðli með Skotlandi, Tékklandi, Slóvakíu, Slóveníu, Póllandi, Ísrael og Kýpur. Sex lið fóru áfram í umspil um sæti í lokakeppninni, en Ísland endaði í sjöunda sæti riðilsins jafnt að stigum og Slóvakía í sjötta sæti. Slóvakía var hins vegar með betri markatölu og fór því áfram í umspil.
Aron Þormar Lárusson og Bjarki Már Sigurðsson léku fyrir hönd Íslands í riðlinum.
