U21 - Mæta Tékklandi í umspili fyrir EM
U21 landslið karla mætir Tékklandi í umspili um laust sæti í lokakeppni EM. Spilaðir verða tveir leikir og byrjar Ísland á heimaleik og síðari leikurinn verður leikinn í Tékklandi.
Leikirnir fara fram dagana 19.-27. september en nánari tímasetning verður tilkynnt síðar.
Aðrir leikir í umspilinu eru:
Króatía - Danmörk
Slóvakía - Úkraína
Írland - Ísrael
Lokakeppni EM U21 liða fer fram 21. júní - 8. júlí 2023 í Rúmeníu og Georgíu.
Liðin sem hafa nú þegar tryggt sér þátttökurétt á mótinu eru Belgía, England, Frakkland, Georgía, Þýskaland, Ítalía, Portúgal, Holland, Noregur, Rúmenía, Spánn og Sviss.
