Breytingar á U17 og U15 hópum karla
Þjálfarar U15 og U17 karla hafa þurft að gera breytingar á hópum sínu. Elvar Máni Guðmundsson úr KA dettur út úr hópnum vegna meiðsla og í hans stað kemur Daníel Ingi Jóhannesson úr ÍA. Daníel Ingi færist úr U15 upp í U17 og í hans stað kemur Árni Veigar Árnason frá Hetti inn í U15.
U15 er á leið til Færeyja og munu þeir spila tvo æfingaleiki við Færeyinga. U-17 er á leið til Ungverjalands þar sem þeir munu taka þátt í Telki Cup.
