Tillögur á 78. ársþingi KSÍ
78. ársþing KSÍ verður haldið í Íþróttamiðstöð Fram í Úlfarsárdal, Reykjavík 24. febrúar 2024. Sambandsaðilum hafa verið sendar ýmsar upplýsingar og gögn, og þær tillögur sem KSÍ teknar verða fyrir á þinginu hafa nú verið birtar á vef KSÍ (tillögur verða ekki útprentaðar á þinginu sjálfu). Þingið verður sett kl. 11:00 laugardaginn 24. febrúar og gert er ráð fyrir að því ljúki um kl. 17:30 sama dag.
Hægt er að lesa allt um ársþing KSÍ 2024 á upplýsingavef þingsins - fyrirkomulag, tillögur og þingskjöl, dagskrá, fyrri ársþing og ýmislegt fleira - og á þinginu sjálfu verður síðan hægt að fylgjast með afgreiðslu mála á sama stað. Þingið verður jafnframt sýnt í beinni útsendingu á svæði KSÍ í viðmóti Sjónvarps Símans.
