Um 50 þjálfarar sóttu endurmenntunarviðburð
Um liðna helgi fór fram endurmenntunarviðburður á vegum KSÍ og Knattspyrnuþjálfarafélags Íslands (KÞÍ). Fyrri hlutinn fór fram í Háskóla Reykjavíkur og seinni hlutinn í Fífunni í Kópavogi. Meðlimir í KÞÍ fengu frítt á viðburðinn og þátttakendur með UEFA/KSÍ þjálfararéttindi fengu 6 endurmenntunarstig. Alls voru þátttakendur um 50 talsins.
Í fyrri hlutanum var fjallað um samvinnu þjálfarateymis fyrir og í landsliðsverkefni þar sem Åge Hareide, Mounir Akhiat og Davíð Snorri Jónasson kynntu undirbúninginn fyrir verkefni hjá A landsliði karla. Åge er sem kunnugt er aðalþjálfari A landsliðs karla, Davíð Snorri er aðstoðarþjálfari og Mounir er leikgreinandi.
Í seinni hlutanum fjallaði Hallgrímur Jónasson þjálfari KA um Sóknar vörn (e. Rest Defence). Sá hluti var jafnframt tvískiptur - fyrst var bóklegur hluti sem fór fram í HR og síðan verklegur hluti í Fífunni.
.jpg?proc=760)
