Áhersluatriði dómaranefndar og breytingar á knattspyrnulögunum
Dómaranefnd KSÍ gefur út áhersluatriði fyrir hvert keppnistímabil. Áhersluatriðin eru kynnt á sérstökum fundum sem haldnir með fulltrúum félaga fyrir hvert keppnistímabil. Á fundina eru boðaðir fulltrúar leikmanna og þjálfara frá hverju félagi og langflest félög senda sína fulltrúa á þessa fundi. Fundirnir í ár voru haldnir 28. og 30. janúar.
Áhersluatriði þessi gilda fyrir knattspyrnumót KSÍ árið 2025 og tóku gildi við upphaf Lengjubikars. Þar sem Besta deildin er að fara af stað um helgina þá er rétt að rifja áhersluatriðin upp.
Skoða áhersluatriði dómaranefndar KSÍ 2025
Þá er einnig rétt að rifja upp breytingar á knattspyrnulögunum 2025, sem hafa þegar tekið gildi hér á landi (eiga eingöngu við um leiki í 11 manna bolta).
Skoða breytingar á knattspyrnulögunum 2025
Ýmsar nýjungar eru á teikniborðinu hjá dómaranefnd og KSÍ. Nú á dögunum var hleypt á stokk Instagram síðu fyrir dómara hjá KSÍ. Þar munu birtast niðurröðun úr Bestu deild kvenna og karla ásamt ýmsu áhugaverðu efni sem tengist dómgæslu, eins og erlend verkefni hjá dómurum, fréttir af dómaranámskeiðum, greiningar á atvikum o.s.frv.
