Hópurinn hjá U21 karla valinn
Luka Kostic, landsliðsþjálfari U21 karla, valdi í dag landsliðshóp sinn er mætir Austurríki og Slóvakíu í lokaleikjum liðsins í undankeppni fyrir EM 2009. Leikurinn við Austurríki fer fram ytra 5. september en leikurinn gegn Slóvakíu verður leikinn á Víkingsvelli, þriðjudaginn 9. september.
Íslenska liðið er sem stendur í neðsta sæti riðilsins en aðeins tveimur stigum frá öðru sætinu. Það eru Austurríkismenn sem eru langefstir í riðlinum og hafa þegar tryggt sér sæti í úrslitakeppninni á næsta ári.
