Vináttulandsleikur við Möltu 19. nóvember
Knattspyrnusamband Íslands og Knattspyrnusamband Möltu hafa komist að samkomulagi um að karlalandslið þjóðanna leiki vináttulandsleik miðvikudaginn 19. nóvember næstkomandi. Leikið verður á Möltu en leikstaður verður tilkynntur síðar.
Þetta verður fjórtándi landsleikur þjóðanna og hafa Íslendingar farið níu sinnum með sigur af hólmi, Möltubúar þrisvar sinnum og einu sinni hafa þjóðirnar skilið jafnar. Síðasti landsleikur þjóðanna var leikinn á æfingamóti á Möltu, 4. febrúar á þessu ári. Heimamenn fóru þá með sigur af hómi með einu marki gegn engu.
