Opna NM U17 kvenna hefst mánudaginn 1. júlí
Mánudaginn 1. júlí hefst Opna Norðurlandamót U17 landsliða kvenna, og fer það fram hér á landi í ár. Leikið verður í tveimur fjögurra liða riðlum - annar riðillinn fer fram í Reykjavík og hinn á Suðurnesjum. Leikir um sæti fara fram í Reykjavík.
Fimm af þátttökuliðunum átta koma frá Norðurlandaþjóðum (Ísland, Finnland, Danmörk, Noregur og Svíþjóð) og gestaliðin eru þrjú (England, Holland og Þýskaland). Allt eru þetta sterkar knattspyrnuþjóðir og ljóst að um hörkuleiki verður að ræða, enda saman komnir margir af efnilegustu leikmönnum Evrópu í þessu aldursflokki.
Sett hefur verið upp sérstök Facebook-síða fyrir mótið og er fólk hvatt til að "læka" síðuna og dreifa henni sem víðast til að hjálpa áhasömum aðilum að fylgjast með framgangi mótsins. Hlekkur á síðuna "NM U17 kvenna á Íslandi 2013":
https://www.facebook.com/NMU17kvenna2013?ref=tn_tnmn#!/NMU17kvenna2013
Jafnframt er fólk hvatt til að mæta á leikina og hvetja stelpurnar til dáða.
Ísland er í riðli með Finnlandi, Hollandi og Þýskalandi, og er fyrsti leikur okkar stelpna gegn Þýskalandi á Grindavíkurvelli á mánudag kl. 16:00.
.jpg?proc=760)
