Grasrótarpersóna ársins 2022: Jón Theodór Jónsson hjá Skallagrími
Ýmsar árlegar viðurkenningar eru jafnan afhentar í aðdraganda ársþings KSÍ og á ársþinginu sjálfu eftir atvikum.
Grasrótarverðlaunum KSÍ er skipt upp í þrjá flokka: Grasrótarverkefni ársins, Grasrótarfélag ársins og Grasrótarpersóna ársins. Þetta er í annað sinn sem verðlaunum er þrískipt með þessum hætti.
Mjög ánægjulegt var að sjá hversu margar flottar tilnefningar bárust í öllum þremur flokkunum í ár og greinilegt að grasrótarstarf í fótbolta er í miklum blóma víðs vegar um land. Það var verðugt verkefni að velja úr og margar tilnefningar komu til greina.
Grasrótarpersóna ársins 2022:
Jón Theodór Jónsson fyrir störf sín hjá Skallagrími í Borgarnesi.
Jón Theodór Jónsson gegnir stóru og ómetanlegu hlutverki í öllu starfi Skallagríms í Borgarnesi. Í umsögn sem fylgdi með tilnefningu hans segir meðal annars:
"Jón Theodór sýnir mikla ástríðu fyrir þjálfun yngri flokka og hefur rifið upp knattspyrnustarfið í Borgarnesi. Sérstaklega hefur hann lagt alúð við þá miklu fjölgun sem hefur orðið hjá stúlkum í knattspyrnu. Hann sýnir öllum iðkendum áhuga og hvetur einstaklinginn til þess að vilja bæta sig. Krakkarnir dýrka hann og mæta á æfingar þrátt fyrir misgóða æfingaaðstöðu. Hann lætur hverjum iðkanda líða eins og hann skipti miklu máli sem hluti af heildinni.”
Mynd: Jón Theodór Jónsson og Dagur Sveinn Dagbjartsson frá KSÍ.
.jpg?proc=760)
.jpg?proc=760)