Atli tilkynnir byrjunarliðið gegn Ungverjum
Atli Eðvaldsson, landsliðþjálfari, hefur tilkynnt byrjunarliðið fyrir vináttuleikinn gegn Ungverjum á laugardag. Leikurinn fer fram á Laugardalsvelli og hefst kl. 16:00. Litlar breytingar eru á liðinu frá leiknum gegn Andorra í síðasta mánuði. Brynjar Björn Gunnarsson fer í hægri bakvörðinn, Ívar Ingimarsson færist inn á miðjuna og Lárus Orri Sigurðsson kemur inn í miðja vörnina.
Markvörður: Árni Gautur Arason.
Varnarmenn: Brynjar Björn Gunnarsson, Lárus Orri Sigurðsson, Hermann Hreiðarsson og Arnar Þór Viðarsson.
Tengiliðir: Jóhannes Karl Guðjónsson, Rúnar Kristinsson (fyrirliði), Ívar Ingimarsson og Hjálmar Jónsson.
Framherjar: Ríkharður Daðason og Eiður Smári Guðjohnsen.
