U19 karla - Jafntefli í fyrsta leik
U19 landslið karla gerði í dag 1-1 jafntefli við Hollendinga í fyrsta leik sínum í undankeppni EM, en riðill Íslands fer fram í Moldavíu. Hollendingarnir komust yfir á 4. mínútu leiksins, en fyrirliðinn Eyjólfur Héðinsson jafnaði metin á 21. mínútu. Leikurinn þótti jafn og skemmtilegur lengst af og sýndu bæði lið afbragðstilþrif, en íslenska liðið var þó nær sigri en það hollenska. Næsti leikur Íslands er á sunnudag gegn Ísrael og hefst hann kl. 10:00 að íslenskum tíma.
