Byrjunarlið Íslands gegn Noregi

Helena Ólafsdóttir, þjálfari A landsliðs kvenna, hefur tilkynnt byrjunarlið Íslands fyrir síðari leikinn gegn Norðmönnum í umspili um sæti í lokakeppni EM. Liðin mætast í Valhöll í Osló í dag, laugardag, kl. 14:00 að íslenskum tíma. Leikurinn er í beinni útsendingu á RÚV. Lið Íslands er þannig skipað (4-5-1): Þóra B. Helgadóttir í markinu, Katrín Jónsdóttir og Guðlaug Jónsdóttir bakverðir, Erla Hendriksdóttir og Ásta Árnadóttir miðverðir, Ásta er þó aðeins fyrir aftan Erlu. Á köntunum eru Erla Steina Arnardóttir og Dóra María Lárusdóttir, Edda Garðarsdóttir og Laufey Ólafsdóttir á miðjunni og Margrét Lára Viðarsdóttir fyrir framan þær. Fremst er Olga Færseth.