Leikmannaval 2004
Í kvöld, mánudagskvöld kl. 18:00, verður val á knattspyrnumanni og knattspyrnukonu ársins 2004 kunngert í móttöku á Nordica Hótel og viðurkenningar veittar fyrir þrjú efstu sætin hjá körlum og konum. Stjórn KSÍ samþykkti á 2000. fundi sínum í mars nýjar reglur um hvernig staðið skuli að vali á knattspyrnumanni og knattspyrnukonu ársins. Í samræmi við það var í nóvember á annað hundrað einstaklingum, fyrrverandi landsliðsmönnum, þjálfurum og forystumönnum, sent bréf og þeir beðnir um að velja þrjá bestu knattspyrnumenn og knattspyrnukonur ársins 2004. Niðurstaðan úr þessu vali liggur nú fyrir og verður sem fyrr segir kynnt í kvöld.
