Margir leggja sitt af mörkum
Þó ætlast sé til þess að framherjarnir sjái um bróðurpartinn af markaskorun í knattspyrnu er ekki verra ef aðrir leikmenn leggja sitt af mörkum. Af 16 útispilurum í landsliðshópi Íslands gegn Króatíu hafa 13 leikmenn skorað.
Þeir einu í hópnum sem eiga eftir að skora fyrir landsliðið eru Kári Árnason, Stefán Gíslason og Jóhannes Harðarson.
Eiður Smári Guðjohnsen er markahæstur í hópnum með 15 mörk og er hann kominn í 2. sæti yfir markahæstu leikmenn A-landsliðs karla frá upphafi. Þar trónir Ríkharður Jónsson á toppnum með 17 mörk.
Þess má geta að í leikmannahópi U21 landsliðsins eru aðeins tveir leikmenn sem hafa skorað mark fyrir liðið.
