Byrjunarlið U19 karla gegn Hollendingum
Guðni Kjartansson, þjálfari U19 landsliðs karla, hefur tilkynnt byrjunarlið Íslands gegn Hollendingum, en liðin mætast í Spakenburg í Hollandi í dag og hefst leikurinn kl. 17:30 að íslenskum tíma.
U19 landslið Hollands og Íslands hafa mæst fjórum sinnum áður og hafa Hollendingar unnið þrisvar sinnum, en einu sinni gerðu liðin jafntefli.
Leikurinn í dag er liður í undirbúningi beggja liða fyrir undankeppni EM, en riðill Íslands fer fram í Bosníu í byrjun október.
Íslenska liðið hefur þegar leikið tvo æfingaleiki á árinu, báða gegn Svíum hér á landi. Fyrri leiknum lauk með 2-0 sigri Íslands, en þeim síðari með 2-2 jafntefli.
Byrjunarlið Íslands gegn Hollendingum
Markvörður: Atli Jónasson.
Bakverðir: Ari Freyr Skúlason og Haukur Páll Sigurðsson.
Miðverðir: Heimir Einarsson og Guðmann Þórisson.
Tengiliðir: Bjarni Þór Viðarsson og Theodór Elmar Bjarnason (fyrirliði).
Kantmenn: Rúrik Gíslason og Gunnar Kristjánsson.
Sóknartengiliður: Heiðar Geir Júlíusson.
Framherji: Matthías Vilhjálmsson.
