U21 karla mætir Skotum á Firhill Stadium
Leikstaður hefur verið ákveðinn fyrir vináttuleik U21 karlalandsliða Skotlands og Íslands, sem fram fer ytra þriðjudaginn 28. febrúar næstkomandi. Leikið verður á Firhill Stadium í Glasgow, heimavelli Partick Thistle, sem leikur í skosku 2. deildinni, og hefst leikurinn kl. 19:30. Firhill Stadium tekur rúmlega 13.000 áhorfendur, þar af um 11.000 í sæti.
Landsliðshópur Íslands fyrir leikinn, sem er sá fyrsti undir stjórn Lúkasar Kostic, verður væntanlega tilkynntur í næstu viku.
