Svíþjóð - Ísland kl. 18:15 í kvöld
Í dag sækir íslenska landsliðið það sænska heim á Rasunda vellinum í Stokkhólmi. Leikurinn er í riðlakeppni fyrir EM 2008 og hefst kl. 18:15 að íslenskum tíma. Íslenska liðið er með fjögur stig í riðlinum og er í fimmta sæti riðilsins.
Eyjólfur Sverrisson, landsliðsþjálfari, hefur tilkynnt byrjunarlið sitt er mætir Svíum í kvöld.
Byrjunarliðið:(4-4-1-1)
Markvörður: Árni Gautur Arason
Hægri bakvörður: Grétar Rafn Steinsson
Vinstri bakvörður: Gunnar Þór Gunnarsson
Miðverðir: Ólafur Örn Bjarnason og Ívar Ingimarsson
Hægri kantur: Birkir Már Sævarsson
Vinstri kantur: Emil Hallfreðsson
Tengiliðir: Brynjar Björn Gunnarsson, fyrirliði og Arnar Þór Viðarsson
Sóknartengiliður: Theódór Elmar Bjarnason
Framherji: Hannes Þ. Sigurðsson
Það verður Gunnar Kristjánsson, Víkingi, sem hvílir í þessum leik.
Það er skarð fyrir skildi að fyrirliðinn, Eiður Smári Guðjohnsen, er í leikbanni í þessum leik. Það er hinsvegar engan bilbug á hópnum að finna og eru menn staðráðnir í því að velgja Svíunum verulega undir uggum á þeirra heimavelli.
Svíar eru í efsta sæti riðilsins, jafnir Spánverjum að stigum. Það er þó líklegt að tvö stig til viðbótar falli í þeirra skaut vegna leiksins fræga gegn Dönum sl. laugardag.
Leikurinn er sýndur í beinni útsendingu á sjónvarpsstöðinni Sýn og hefst leikurinn kl. 18:15 en útsending Sýnar hefst kl. 17:45.
Símamynd: Björn R. Gunnarsson búningastjóri
