Tap hjá Íslendingum í Stokkhólmi
Íslendingar biðu lægri hlut gegn Svíum í landsleik í Stokkhólmi en leikurinn var í riðlakeppni fyrir EM 2008. Lokatölur urðu þær að heimamenn skoruðu fimm mörk án þess að Íslendingar næðu að svara.
Svíar komust yfir á 10. mínútu og höfðu yfirhöndina í leiknum. Íslendingar voru hinsvegar baráttuglaðir og seint í fyrri hálfleik fengu þeir tvö góð færi á sömu mínútunni sem ekki nýttust. Í staðinn bættu heimamenn tveimur mörkum við undir lok hálfleiksins og staðan í hálfleik því erfið.
Svíar byrjuðu seinni hálfleikinn af krafti og bættu tveimur mörkum við fljótlega og tryggðu sér ákaflega þægilega stöðu í leiknum sem og í toppsæti riðilsins. Lokatölur því stórsigur Svía, 5-0.
Næstu leikir Íslands í riðlinum eru gegn Spánverjum 8. september og svo Norður Írum 12. september. Báðir þessir leikir eru leiknir á Laugardalsvellinum. Í millitíðinni koma hinsvegar Kanadamenn í heimsókn og leika vináttulandsleik hér á Laugardalsvellinum 22. ágúst næstkomandi.
