Ísland - Frakkland laugardaginn 16. júní
Ísland mætir Frakklandi í undankeppni fyrir EM kvenna 2009 og er leikurinn leikinn á Laugardalsvellinum. Leikurinn fer fram daginn fyrir þjóðhátíðardaginn, laugardaginn 16. júní og hefst kl. 14:00.
Franska liðið er geysilega sterkt og hefur unnið tvo fyrstu heimaleiki sína í keppninni, báða 6-0. Íslenska liðið byrjaði keppnina einnig vel og lagði Grikki á útivelli með þremur mörkum gegn engu.
Stuðningur áhorfenda í þessum leik getur skipt gríðarlega miklu fyrir stelpurnar og eru landsmenn hvattir til þess að fjölmenna á leikinn og láta vel í sér heyra. Hér að neðan má sjá myndasyrpu af kvennalandsliðinu.
Styðjum stelpurnar í baráttunni um að komast í úrslitakeppni EM.
